KASKO sığortası

Sığortanın məqsədi

Yol nəqliyyatı hadisəsi nəticəsində, avtomobilə dəyən
fiziki zərərin ödənilməsi.

Sığortaçı

Bu sığorta növü üzrə müqavilə bağlamağa icazəsi
olan hüquqi və ya fiziki şəxs.

Sığorta olunan nəqliyyat vasiətələri

Minik və yük avtomobilləri
Avtobus və mikroavtobuslar
Traktor və yol tikinti maşınları

Sığorta hadisəsi

Avtomobil nəqliyyatı vasitəsinin zədələnməsi, məhv olması, həmçinin qaçırılması və ya oğurlanması nəticəsində sığortalının əmlak mənafelərinə dəyən zərərin əvəzinin tam və ya qismən ödənilməsi miqdarında sığorta ödənişinin həyata keçirilməsini nəzərdə tutan avtonəqliyyat vasitələrinin sığortası.

Sığorta al

Kalkulyator

Sığorta riskləri

Toqquşma, yanğın, partlayış, oğurlanma, yol nəqliyyat hadisəsi, üçüncü şəxslərin qərəzli hərəkətləri nəticəsində dəyən ziyan.

Sığorta hadisəsi haqqında məlumatın verilməsi

Sığorta hadisəsi baş verdikdə Sığorta olunanın dərhal sığorta şirkətinə məlumat verilməsi tələb olunur.

Müharibə, hər cür hərbi əməliyyatlar, xarici düşmən basqını, vuruşma (müharibə elan edilib edilməməsindən asılı olmayaraq), vətəndaş müharibəsi, üsyan və bunların qarşısının alınması və yatırılması məqsədilə keçirilən inzibati və hərbi tədbirlər nəticəsində dəyən zərərlər;
Hər hansı nüvə partlayışı radiasiya və radioaktiv çirklənmələr, bununla əlaqədar keçirilən hərbi və inzibati tədbirlər nəticəsində dəyən zərərlər;
Əyilmə, dеşilmə, kəsilmə və ya cırılma nəticəsində şinlərin zədələnməsi;
Avtonəqliyyat vasitəsinin bazar qiymətinin düşməsi;
Avtonəqliyyat vasitəsinin vəziyyətinin onun sığorta hadisəsindən əvvəlki vəziyyəti ilə müqayisədə yaxşılaşdıran hər hansı təmir və ya dəyişdirilmə;
Əldən çıxmış fayda və ya digər dolayı itkilər;
Əgər itki və ya ziyan sığortalanmış riskin nəticəsində baş vеrməmişdirsə, tədricən baş vеrən xarab olma, ayrılmaz qüsur, gizli çatışmamazlıq, hər hansı növ həşəratlardan və ziyanvеricilərdən dəyən zərər, zibillənmə, çirklənmə, adi köhnəlmə, atmosfеrin rütubətliyi və ya quraqlığı, hərarətin və ya rütubətin dəyişkənliyi, sıx duman, dеformasiya, buxarlanma, çəkinin itirilməsi, aşınma, nəm və ya quru çürümə, rəngin, quruluşun və ya pardaqlamanın dəyişməsi və ya korlanması;
Əgər itki və ya ziyan sığortalanmış riskin nəticəsində baş vеrməmişdirsə, donma, mеxaniki, еlеktrik və ya еlеktronik nasazlıq;
Avtonəqliyyat vasitəsinin və ya ona sahibliyin könüllü vеrilməsi ilə bağlı, bеlə könüllü vеrilmənin Sığortalının qəsdən еtdiyi hərəkətləri;
Məcburi, qanunsuz zəbt еtmə halları istisna olmaqla, avtonəqliyyat vasitəsinin toksik, spirtli və narkotik sərxoşluq vəziyyətində olan Sürücü tərəfindən idarə еdilməsi;
Avtonəqliyyat vasitəsini təlim məqsədilə, yaxud yarışlarda, sürət müsabiqələrində, sürət sınaqlarında, avtomobil rallilərində, icarə üçün, davamlılıq sınaqla, həmçinin avtonəqliyyat vasitələrinin istismarı və satışı ilə bağlı hər hansı məqsədlə istifadə еdilməsi.

Sığorta məbləği avtonəqliyyat vasitəsinin real bazar qiyməti (sığorta dəyəri) əsasında tərəflər arasında bağlanan sığorta müqaviləsi ilə müəyyən edilir.
Müqavilədə müəyyən edilmiş sığorta məbləği sığorta dəyərindən az olduğu halda (qismən sığorta halında), sığortaçı zərərin əvəzini sığorta məbləğinin sığorta dəyərinə olan nisbətində ödəyir.
Sığorta müqaviləsində göstərilmiş sığorta məbləği sığorta dəyərindən artıq olduqda, sığorta məbləğinin sığorta dəyərindən artıq olduğu hissə üçün müqavilə etibarsızdır.

Sığorta haqqı sığorta tariflərinə əsasən hesablanır.
Sığorta tarifləri avtonəqliyyat vasitəsinin bazar dəyərindən, sürücülərin yaş həddi və sürücülük təcrübəsindən, avtonəqliyyat vasitəsinin tipindən, buraxılış ilindən və digər riskin qiymətləndirilməsinə təsir edə bilən amillərdən asılı olaraq müəyyənləşdirilir.
Sığorta haqqı bir dəfəyə ödənilir və ya tərəflərin razılğına əsasən hissə-hissə ödənilə bilər.

Azadolma məbləği

Sığorta müqaviləsi ilə azadolma məbləği nəzərdə tutula bilər.

Sığorta təminatı üzrə azadolma məbləği hər bir sığorta riski və hər bir sığorta hadisəsi üzrəctətbiq olunur.

Azadolma məbləği nəzərdə tutulduqda, həmin məbləğ zərər məbləğindən çıxılır.

Sığorta təminatının əhatə ərazisi

Sığorta təminatı yalnız sığorta müqaviləsində göstərilən ərazidə qüvvədədir.

Mübahisələrin həlli

Bu Qanundan irəli gələn mübahisələr Azərbaycan Respublikasının qanunvericiliyi ilə müəyyən edilmiş qaydada, o cümlədən məhkəmə qaydasında həll edilir.

Sığorta müqaviləsinin müddəti

Müqavilədə başqa cür nəzərdə tutulmamışdırsa, sığorta müqaviləsi sığorta haqqının ilk hissəsinin və ya tam ödənildiyi gün saat 24:00-da, lakin şəhadətnamədə göstərilmiş sığorta müddətinin başlanma tarixindən tez olmayaraq qüvvəyə minir

Məlumatlar*

Bu tarif cədvəli yalnız ban növü sedan, universal və xetçbek olan avtomobillər üçün istifadə oluna bilər.

Yaşı 22-dən və/və ya sürücülük təcrübəsi 1 ildən az olan sürücülər üçün 1 000 AZN məbləği həcmində əlavə şərtsiz azadolma tətbiq olunacaq.

Minimal sığorta haqqı - 300 AZN

Aşağıda göstərilən nəqliyyat vasitələrinin sığortalanması üçün mütləq anderrayterlərə müraciət edilməlidir:

Ban növü kupe, kabriolet olan avtomobillər
“Sportkar” sinifinə aid olan avtomobillər
Elektrokar tipli avtomobillər
İstənilən ekzotik, müstəsna olaraq istehsal olunmuş və Azərbaycanda rəsmi servis və satış mərkəzi olmayan avtomobillər
Qeyri-ənənəvi rəng örtüyünə malik avtomobillər (tutqun rəng, buqələmun və şəkilli rənglər və s.)
Silinderlərin sayı 10-dan çox olan avtomobillər
Tüninq olunmuş istənilən avtomobil
Sığorta dəyəri/sığorta məbləği 200 000 AZN məbləğini aşan nəqliyyat vasitələri

Həmçinin aşağıdakı marka və modellər:

BMW – M seriyası, Hamann tüninqi
Mercedes Benz – Brabus, Hamann tüninqi
Rolls Royce, Aston Martin, Jaguar, Pontiac, Citroen, Bentley, Maserati, Smart, Alfa Romeo, Saab, Abarth

Qeyd

Yaşı 22-dən və/və ya sürücülük təcrübəsi 1 ildən az olan, sığortalı və ya sığorta olunan qismində çıxış edən şəxslərə məxsus nəqliyyat vasitələri bu tarif cədvəlinə əsasən sığortalana bilməz.